УСЕ БЕЛАРУСКІЯ ГУТАРКІ РАСПЛАНАВАНЫЯ ПА МІНСКІМ ЧАСЕ GMT +3
ВЫБІРАЙЦЕ ЛЮБУЮ!
Аўторак 27 ВЕРАСНЯ
27 ВЕРАСНЯ / 20:00
Беларус будучыні
ВЯДОЎЦА: VOLHA
Хто ён (яна), чалавек з загадкавай душой, складаным лёсам, але які з надзеяй глядзіць у будучыню? Якімі мы будзем праз пару гадоў, дзесяцігоддзяў? Якімі якасцямі, навыкамі, ведамі будзем валодаць? На якой мове гаварыць? Якія каштоўнасці будуць галоўнымі? Беларус будзе развіваць, ствараць сваё ці ездзіць «на закупы» да суседзяў, чытаць, глядзець і слухаць замежнае?
Якім павінен быць “ідэальны”беларус і ці павінен ён быць “ідэальным”? Будзе цікава паслухаць вашыя думкі наконт вышэйпералічаных пытанняў і вашае меркаванні па іншых пытаннях, якія ўзнікнуць падчас нашай размовы. Далучайся, беларус!
27 ВЕРАСНЯ / 21:00
ЛЕКЦЫЯ “Падкаст. Гісторыя. Мова”
Госць: Ганна Дзягель
Мы пагаворым пра падкасты ў цэлым і пра беларускія падкасты ў прыватнасці. Пра гістарычныя падкасты і падкаст «Так склалася гістарычна». А таксама пра ролю мовы ў вытворчасці кантэнту.
Чацвер 29 ВЕРАСНЯ
29 ВЕРАСНЯ / 20:00
Арганізаваныя экскурсіі ці самастойныя вандроўкі: адрозненні, перавагі, недахопы
Вядоўца: Марыя
Давайце раскажам пра асабісты досвед самастойных вандровак і экскурсій з гідам ці турфірмай. Паразважаем над тым, чым яны адрозніваюцца, якія перавагі і недахопы ў кожнага з гэтых відаў падарожжаў. Будзе добра, калі вы падзеліцеся нейкімі парадамі па падрыхтоўцы да вандроўкі.
Пятніца 30 ВЕРАСНЯ
30 ВЕРАСНЯ / 20:00
Жанчыны на нулявым пункце
Вядоўца: Надзея
Прапаную абмеркаваць аповесць Наваль Саадаві “Жанчына на нулявым пункце”. Наваль Саадаві – егiпецкая пiсьменнiца, абаронца правоў жанчын, адна з распачынальніц другой хвалі фемінізму. Яе кнігі друкаваліся на дваццацi дзвюх мовах свету, а цяпер адну з яе кніг можна прачытаць і па-беларуску.
Акрамя самой кнігі прапаную абмеркаваць пытанні, якія датычыцца статусу жанчын у сучасным свеце. Ці аднолькавы правы мужчын і жанчын як гэта падаецца на першы погляд? Чаму жанчын усё часцей абмяжоўваюць у асабістых правах на дзяржаўным узроўні? Чаму слова “фемінізм” да гэтых часоў лічыцца абразай у некаторай часткі насельніцтва? Чаму “Аповед пакаёўкі” так актуален сёння?
То бок да гутаркі могуць далучыцца нават тыя, хто кнігу не чытаў, і абмеркаваць тыя пытанні, што хвалююць менавіта вас.
Шаноўныя ўдзельнікі “Вольнай Мовы”!
З нагоды нашага першага Дня Народзінаў і пашырэнне сеткі гутарак на Заходняе Паўшар’е, мы крыху мяняем дызайн афармлення і дадаем яшчэ 2 часавыя паясы ў наш расклад.
Вольнай Мовы стане болей! Далучайцеся!
Субота 1 КАСТРЫЧНІКА
ВЯДОЎЦА: НАДЗЕЯ
Васіль Быкаў. Калі вайна гэта не мір
Беларусь (GMT+3): 01/10 13:00
EDT/EST (GMT-4): 01/10 6:00
PDT/PST (GMT-7): 01/10 3:00
Васіля Быкава як нікога іншага беларускага пісьменніка можна лічыць сумленнем нацыі і нацыянальным прарокам. Гэтая гутарка прысвечана менавіта яму – выбітнаму беларускаму пісьменніку, творы якога заўсёды адзначаліся высокім трагізмам, актыўнай аўтарскай пазіцыяй, вострым эмацыянальна-этычным напалам. Згадаем факты з жыцця Васіля Быкава, яго самыя цікаўныя творы і падзелімся ўражаннямі аб іх.
Напрыканцы паспрабуем адказаць на пытанне: “Чаму Васіль Быкаў з’яўляецца адным з самых значных пісьменнікаў Беларусі і чаму яго творчасць так адрозніваецца ад астатняй беларускай літаратуры?”
ВЯДОЎЦА: НАДЗЕЯ
Must have з беларускай літаратуры
Беларусь (GMT+3): 01/10 18:00
EDT/EST (GMT-4): 01/10 11:00
PDT/PST (GMT-7): 01/10 8:00
Як вы лічыце, якую кніжку трэба прачытаць кожнаму беларусу і беларуске? Ці есць у беларускай літаратуры нешта такое, што будзе цікава і істотна для ўсіх? Прапаную абмеркаваць самыя выбітныя і цікавыя на ваш погляд беларускія кнігі, тыя кнігі, якія чыталі,чытаюць і будуць чытаць.
А тым, хто яшчэ не гатовы к такім глабальным тэмам – проста распавесці пра тую кнігу, якая вам вельмі спдабалася ў апошні час.
ВЯДОЎЦА: АЛЯКСАНДР
Пра піва пад піва
Беларусь (GMT+3): 01/10 19:00
EDT/EST (GMT-4): 01/10 12:00
PDT/PST (GMT-7): 01/10 9:00
Запрашаю святочным надвячоркам пра піва пагутарыць. З куфлям піва ў руцэ.
Хатняе заданне: пажадана прыйсці цвярозымі, папярэдне праслухаўшы байку пра піва “Беларускія Байкі” пра гісторыю і выраб і пра яго ўжыванне зараз.
ВЯДОЎЦА: ЦІМОХ
1 год Вольнай Мовы. Агульны стрым!
Беларусь (GMT+3): 01/10 20:00
EDT/EST (GMT-4): 01/10 13:00
PDT/PST (GMT-7): 01/10 10:00
Запрашаем на сустрэчу прысвечаную першаму году Вольнай Мовы. Мы распавядзем пра вынікі нашага праекта, падзелімся планамі на год наступным.
Нам будзе цікава пачуць вашыя ўражанні і заўвагі.
Сустрэча будзе адбывацца ў нашым telegram канале:
https://t.me/volnajamova
Нядзеля 2 КАСТРЫЧНІКА
ВЯДОЎЦА: ЦІМОХ
З персанажам беларускай гісторыі вы хацелі б пагаварыць?
Беларусь (GMT+3): 02/10 10:00
EDT/EST (GMT-4): 02/10 3:00
PDT/PST (GMT-7): 02/10 0:00
Які персанаж беларускай гісторыі вам найбольш падабаецца? Ці матывуе? З кім бы вы хацелі сустрэцца і паразмаўляць калі б была такая магчымасць? У каго хацелі папытацца пра нешта важнае?
Усяслаў Чарадзей? Францыск Скарына? Карольн Панятоўскі? Машэраў? Давайце абмяркуем!
ВЯДОЎЦА: АЛЯКСАНДР
Пра буслоў белых
Беларусь (GMT+3): 01/10 19:00
EDT/EST (GMT-4): 01/10 12:00
PDT/PST (GMT-7): 01/10 9:00
Святочным нядзельным вечарам запрашаю пагутарыць пра буслоў белых. Мігрантаў. Якія ўсё больш сімваламі Беларусі становяцца. Перад ўваходам варта адмыслова запісаную байку паслухаць “Беларускія байкі“, ці відэа глянуць – дзе і як яны зімуюць.